Структура аппарата

Мәслихат аппараты

Ибраева Гүлжан Тюлегенқызы – Бородулиха ауданының мәслихат аппаратының басшысы. 1983 жылғы 9 сәуірде Семей облысы Бородулиха ауданы Бородулиха ауылында дүниеге келген, қазақ. Білімі жоғары. 2004 жылы Қазақ мемлекеттік заң академиясын заңтану мамандығы бойынша бітірді.

2005 жылы ШҚО Әділет департаменті Бородулиха ауданының Әділет басқармасының маман қызметіне қабылданды.

2007 жылдың шілде айынан бастап ШҚО Әділет басқармасының бас маманы лауазымына тағайындалды.

2015 жылдың қаңтар айынан бастап 2017 жылдың қыркүйек айына дейін "ШҚО Бородулиха ауданының жұмыспен қамту және әлеуметтік бағдарламалар бөлімі" ММ бас маманы болып жұмыс істеді.

2017 жылдың қазан айынын бастап 2020 жылдың ақпан айына дейін ШҚО Бородулиха аудандық мәслихат аппаратының ұйымдастыру-кадрлық және құқықтық жұмыс бөлімінің басшысы болып жұмыс істеді.

2020 жылдың 3 ақпанынан бастап ШҚО Бородулиха аудандық мәслихат аппаратының басшысы болып тағайындалды.

Тұрмыста, 2 бала тәрбиелеп отыр.

Жұмыс секторы: аудандық мәслихат аппаратының қызметін ұйымдастырады, аудандық мәслихат хатшысының тапсырмалары мен өкімдерінің уақытылы орындалуына бақылау жасайды, аудандық мәслихат қызметкерлерінің қызметін үйлестіреді, олардың қызметтік нұсқаулықтарының орындалуын бақылайды.

 

Щербакова Елена Викторовна - Бородулиха аудандық мәслихат аппаратының ұйымдастыру-кадрлық және құқықтық жұмыс бөлімінің басшысы.

1981 жылы 28 қазанда Шығыс Қазақстан облысы, Бородулиха ауданының, Бородулиха ауылында дүниеге келген. Ұлты-орыс. Білімі-жоғары. 2003 жылы «Құқықтану» мамандығы бойынша Новосибирск гуманитарлық институтын бітірді. 2006 жылы есепке алу және аудит мамандығы бойынша М.Әуезов ат. Семей университетін бітірді.

2002 жылдың қараша айынан 2005 жылдың мамыр айына дейін «ШҚО Бородулиха ауданы әкімінің аппараты» ММ заңгер болып жұмыс жасады.

2005 жылдың мамыр айынан бастап 2020 жылдың наурыз айына дейін «ШҚО Бородулиха ауданының ішкі саясат бөлімі» ММ бас маманы болып жұмыс істеді.

2020 жылдың наурыз айында аудандық мәслихат аппаратының ұйымдастыру-кадрлық және құқықтық жұмыс бөлімінің басшысы болып тағайындалды.

Тұрмыста. 2 баланы тәрбиелеуде.

Жұмыс секторы: аудандық мәслихаттың сессияларын, тұрақты, уақытша комиссиялардың отырыстарын дайындау және өткізу бойынша ұйымдастыру-техникалық шараларды жүзеге асырады. Аудандық мәслихаттың тұрақты, уақытша комиссияларының қаулыларын және сессия шешімдерін дайындайды. Мәслихат шешімдерін орындалуына бақылау жасау жұмыстарын қамтамасыз етеді. Аудандық мәслихаттың уақытша, тұрақты комиссияларына практикалық және әдістемелік көмек көрсетеді, сонымен қатар аудандық мәслихаттың депутаттарына олардың азаматтарды қабылдау, сайлаушылардың келіп түскен өтініштерін қарау бойынша өкілеттіктерін жүзеге асыруда көмек көрсетеді. Құжаттардың орындалу мерзімдеріне бақылау жасайды. Аудандық мәслихат хатшысына, аппарат  басшысына аудандық мәслихатта жүргізілген жұмыстардың орындалуы туралы тоқсан сайынғы ақпараттарды дайындайды.

 

Байболова Мөлдір Ғалымқызы – Бородулиха аудандық мәслихат аппаратының ұйымдастыру-кадрлар және құқықтық жұмыстар бөлімінің бас маманы.

1992 жылы 9 маусымда Шығыс Қазақстан облысы Тарбағатай ауданы Ақсуат ауылында дүниеге келген, қазақ. Білімі – жоғары. 2014 жылы Семей қаласының «Қазақ инновациялық гумманитарлық - заң университеті» «Заң» факультетін бітірді.

2010 жылдың мамыр айынан 2014 жылдың маусым айы аралығында «ШҚО Бородулиха ауданының қаржы бөлімі» ММ заңгер болып қызмет атқарды.

2014 жылдың маусым айынан 2014 жылдың желтоқсан айы аралығында «Даму» кәсіпкерлікті дамыту» АҚ Бородулиха аудандық филиалында кеңесші болып қызмет атқарды.

2015 жылдың қаңтар айынан 2015 жылдың желтоқсан айы аралығында ШҚО Бородулиха ауданының Кәсіпкерлер палатасында кеңесші-менеджер қызметін атқарды.

2018 жылдың желтоқсан айынан 2019 жылдың қазан айы аралығында «ШҚО Бородулиха ауданының қаржы бөлімі» ММ статисті болып қызмет атқарды.

2019 жылдың қазан айынан 2020 жылдың наурыз айы аралығында «ШҚО Бородулиха ауданының мәслихат аппараты» ММ ұйымдастыру-кадрлар және құқықтық жұмыстар бөлімінің жетекші маманның м.а. болып қызмет атқарды.

2020 жылдың ақпан айынан бастап «ШҚО Бородулиха ауданының мәслихат аппараты» ММ ұйымдастыру-кадрлар және құқықтық жұмыстар бөлімінің бас маманы болып тағайындалды.

Тұрмыста. 1 ұл тәрбиелеуде.

Жұмыс секторы: Аудандық мәслихат аппаратында кадр мәселесі бойынша құжаттарды дайындауды және олардың орындалуын ұйымдастырады, Қазақстан Республикасының еңбек заңнамаларына және мемлекеттік қызмет заңнамаларына сәйкес қызметкерлердің жеке істерін жүргізеді, еңбек кітапшаларына (қызметтік тізім) қажетті жазуларды енгізеді. Аудандық мәслихаттың қызметкерлерінің кәсіподақ ұйымы отырыстарының, мемлекеттік қызметтегі өтілдерін анықтау жөнінде комиссия отырыстарының хаттамаларын жүргізеді. Аппараттың мемлекеттік қызметшілерін оқыту, қайта оқыту және біліктілігін арттыруды, олардың қызметіне жыл сайынғы бағалау жүргізуді ұйымдастырады. Аттестациялық, конкурстық және тәртіптік комиссиялардың отырыстарын өткізу үшін қажетті материалдарды дайындайды. Мемлекеттік қызмет туралы ай сайынғы, тоқсан сайынғы, жылдық есептерді құрастырады. Мемлекеттік қызметшілердің табыс салығы туралы декларацияларының өткізілуіне бақылау жасайды. «Қазақстан мәслихаттарының депутаттар бірлестігі» РҚБ аудандық филиалының декларациясын тапсырады. Жеке құрам мен негізгі қызмет жөніндегі өкімдердің жобаларын даярлайды, аппарат қызметкерлерінің кезекті еңбек демалысының кестесінің құрылуын және орындалуын ұйымдастырады. Мемлекеттік қызметте болуға байланысты шектеулердің орындалуын бақылайды. Сессия өтетін күні шақырылғандарды тіркеуге алады және оларға қажетті материалдарды таратады. Қажетіне қарай басқа да мазмұндас міндеттерді орындайды.

Қасымжанова Эльмира Құрманғазықызы – Бородулиха аудандық мәслихат аппаратының ұйымдастыру-кадрлар және құқықтық жұмыстар бөлімінің жетекші маманының міндетің атқарушы.

1992 жылы 25 қыркүйекте Шығыс Қазақстан облысы Семипалатинск қаласында дүниеге келген, қазақ. Білімі – жоғары. 2014 жылы "Құқықтану" мамандығы бойынша Қазақстан инновациялық университетін бітірді.                2018 жылы Аймақтық әлеуметтік-инновациялық университетін «Тарих» мамандығы бойынша бітірді .

2017 жылдың сәуір айынан бастап 2018 жылдың маусым айына дейін  «ШҚО Бородулиха ауданы Бородулиха ауылдық округі әкімінің аппараты» ММ  жетекші маманы болып жұмыс істеді.

2018 жылдың қазан айынан бастап 2019 жылдың тамыз айына дейін «ШҚО Бородулиха ауданының әкімінің аппараты» ММ кеңсе бөлімінің бас маманы болып жұмыс істеді.

2020 жылдың наурыз айында  «ШҚО Бородулиха аудандық мәслихат аппараты» ММ ұйымдастыру-кадрлар және құқықтық жұмыстар бөлімінің жетекші маманының міндетін атқарушы лауазымына қабылданды.

Тұрмыста. 2 бала тәрбиелеуде.

Жұмыс секторы: құжаттарды, сонымен қатар, жеке және заңды тұлғалардың өтініштерің  уақытылы қарау, олардың тиісті түрде рәсімделуі, мерзімінде орындалуы. «Жеке және заңды тұлғалардың өтініштерін қарау туралы» № 1-ОЛ нысанды статистикалық есебін тапсыру. Нормативтік құқықтық актілерге мониторинг жүргізу. Аудандық мәслихат шешімдеріне заңнамалық сараптама жасау және олардың Әділет департаментінде мемлекеттік тіркеуден өтуін қамтамасыз ету. Аудандық мәслихат депутаттарын және қызметкерлерін жергілікті өкілетті органдардың қызметіне қатысты Қазақстан Республикасының қолданыстағы заңнама мәселелері бойынша оқыту.

 

Әлия Ибрайханқызы Акимбаева – Бородулиха аудандық мәслихат аппаратының ұйымдастыру-кадрлар және құқықтық жұмыстар бөлімінің бас маманы.

1989 жылы 4 қарашада Семей облысы Бородулиха ауданы Новошульба ауылында дүниеге келген, қазақ. Білімі жоғары.

2016 жылы Алматы экономика және статистика академиясын  есеп және аудит мамандығы бойынша бітірді.

2013 жылдың қараша айынан 2014 жылдың наурыз  айына дейін Бородулиха ауданының «Переменовка орта мектебі» КММ бас бухгалтер болып жұмыс істеді.

2014 жылдың сәуірінен қыркүйек айына дейін "Бородулиха орталық ауруханасында" ШЖҚ МКК мемлекеттік сатып алу бойынша бухгалтер болып жұмыс істеді.

2016 жылдың сәуірінен тамыз айына дейін Бородулиха аудандық мәслихатында бухгалтер болып жұмыс істеді.

2016 жылы 16 тамызда «ШҚО Бородулиха ауданының мәслихат аппараты» ММ ұйымдастыру-кадрлар және құқықтық жұмыстар бөлімінің бас маманы болып тағайындалды.

Тұрмыста, екі бала тәрбиелеп отыр.

Жұмыс секторы: аудандық мәслихаттың  қаржы қызметін қамтамасыз етеді, тауар, қызмет және қызмет көрсету бойынша  мемлекеттік сатып алуды ұйымдастыру және өткізу, оларды веб-порталға орналастыру. Кредитор және дебиторлармен есептесу бойынша бақылауды жүзеге асыру. тауарлы-материалдық құндылықтардың қозғалысына және олардың құжаттарының дұрыстылығына бақылау жасайды.

 

Алинура Қайратбекқызы Олжаева - аудандық мәслихаттың мұрағатшысы.

1993 жылы  11 тамызда  ШҚО Аягөз қаласында дүниеге келген, қазақ. Білімі орта кәсіптік. Еуразиялық техникалық және гуманитарлық колледжін  жол қозғалысын ұйымдастыру мамандығы бойынша бітірді.

2016 жылдың қаңтар айынан бастап  аудандық мәслихаттың мұрағатшысы болып қабылданды.

Тұрмыста.

Жұмыс сектор: ұйымның мұрағаттық жұмысын жүзеге асырады, аудандық мәслихаттың сессияларын дайындау және хаттамаларды рәсімдеумен айналысады, аудандық мәслихат сессиясының жұмысын жазбаға түсіреді. Мәслихаттың істер номенклатурасын жасайды, мұрағатқа құжаттарды өткізу, өңдеу жұмыстарын қамтамасыз етеді.

 

Ольга Александровна Кочергина - Бородулиха аудандық мәслихаты басшысының хатшысы.

2000 жылы 5  маусымда ШҚО Бородулиха ауданының  Бородулиха ауылында туған, орыс.

Білімі –  орта-кәсіптік, 2019 жылы «Құқықтану» мамандығы бойынша Жоғары гумманитарлық-заң және Техиникалық колледж  бітірген.

2020 жылдың қантар айынан бастап 2020 жылдың қыркүйек айына дейін  «ШҚО Бородулиха ауданы әкімінің аппараты» ММ  басшысының хатшысы болып жұмыс істеді.

2020 жылғы 1 қазан айынан  бастап Бородулиха аудандық мәслихаты басшысының хатшысы қызметіне қабылданды.

Тұрмыс құрмаған.

Жұмыс секторы: хат-хабарларды қабылдайды және тіркейді, оны орындаушыларға жолдайды. Аудандық мәслихат хатшысының, аппарат басшысының бұрыштамасына сәйкес құжаттарды орындауға береді. Орындалған құжаттарды алушыларға жібереді. Қызметтік құжаттаманың сақталуын қамтамасыз етеді.

 


Маслихаттың шешiмi